Det første målet kom etter om lag 20 minutt då Kim Tangedal slo eit hjørnespark som Fana-målvakta klarte å slå i eige nett. 0-1 var også stillinga ved pausen i 2. divisjonsoppgjeret.
Holsæter skåra
Like før slutt sette Ruben Holsæter ballen i mål og dermed stod det 0-2. Rett før dommaren bles av kampen, klarte Fana å redusere til 1-2 som vart sluttresultatet.
Førde-trenar Knut Erik Folland seier at denne sigeren var viktig for laget.
– No har vi klart å snu ein negativ trend. Vi fekk med oss tre viktig poeng og vi har no to sigrar på rad. Det betyr mykje for oss.
Soldid 1. omgang
Han fortel om ein solid førsteomgang, men seier dei sleit meir etter pausen.
– Halvveges ut i omgangen klarte vi å rette oss opp att. Ruben skåra rett før slutt, og tre minutt på overtid fekk Fana eit mål. Men vi vann og det var fortent.