Klokka 10.04 fekk politiet melding om at ei campingvogn hadde velta inne på campingplassen i Kyrping på grunn av sterke vindkast.
– Me fekk vite at ei kvinne skulle sitte fast inne i campingvogna. Ambulanse, politi og brannvesenet blei sendt til staden, seier operasjonsleiar Oddvar Olsen i Sunnhordland og Haugaland politidistrikt.
Politiet melde kring 11.30 om at ein 11 år gammal gut og ei kvinne i 30-åra var henta ut av campingvogna. Guten er lettare skadd, medan kvinna er sendt til sjukehus.
Ei kvinne i 30-åra sendt til sjukehus
– Guten blei undersøkt av ambulansepersonell på staden, og me antek at han er lettare skadd.
Kvinna er sendt til sjukehus, men det er ikkje kjent om ho er alvorleg skadd.
NRK oppdaterer saka