Politiet stadfestar overfor Sogn Avis at to elevar ved ved ungdomsskulen i Høyanger er under etterforsking for å ha utøvd vald mot ein medelev.
- Vi har fått ei melding frå fornærma i ei hending på skulen. Det vil bli gjort avhøyr av alle involverte dei nærmaste dagane, og saka er under etterforsking, opplyser lensmannskontoret i Høyanger til avisa.
Ifølgje rektor Solveig Berstad Sande har skulen utvist dei to elevane i tre dagar - den strengaste reaksjonen skulen i høve reglementet kan ta i bruk.
– Miljøet ved skulen er vanlegvis harmonisk, og denne episoden høyrer til dei meir sjeldne, seier Berstad Sande til Sogn Avis.