- Me har gått i mange år og venta på ny skule på Landås, og me har blitt lova ny skule år etter år. No er me leie av løftebrot, seier leiar av Foreldrerådets arbeidsutvalg (FAU) Anund Rannestad.
- Skuffa
Landås skule er forfallen og inneklimaet dårleg. Derfor har Bergen kommune i lang tid planlagt å byggja ein ny skule. Men for tre veker sidan snudde byrådet plutseleg i saka. No vil dei heller flytta dei inn i dei gamle lokala på Ulriken skole.
- Me er skuffa og rett og slett utruleg sinte over dei planane som brått har dukka opp frå Filip Rygg. Ulriken er ikkje eigna som permanent skuleløysing, seier Rannestad.
Mykje engasjement
Etter berre tre dagars mobilisering, møtte heile 500 born og vaksne opp for å gå i fakkeltoget på Landås torsdag kveld.
- Det at me får med så mange på så kort tid, viser jo noko av engasjementet i denne saka. No håpar me byrådet tar signalet, seier Rannestad.
Skreiv brev til Rygg
Sunniva Andrésdotter Vik (8) går i 3. klasse på skulen og var med i fakkeltoget torsdag. Ho skreiv eit brev til skulebyråd Filip Rygg då ho fekk høyra om forslaget.
– Eg blei lei meg då eg fekk vita det, og eg skreiv at eg ikkje likte planen, fortel Sunniva til ba.no.
LES BREVET FRÅ SUNNIVA TIL FILIP RYGG (under)
