I halv totida natt til 1. pinsedag fekk politiet melding om ein bil som hadde køyrd i grøfta på riksveg 5 mellom Førde og Naustdal.
Føraren av bilen køyrde utan gyldig førarkort og er også sikta for køyring i rusa tilstand. Han blei teken med til lege for å ta blodprøve.
Det var ingen andre bilar involvert i uhellet. Bilføraren var åleine i bilen og han var uskadd. Saka blir følgt opp av Førde og Naustdal lensmannskontor.