Klubben vart starta i 2001 som ein overbyggingsklubb for å få etablert eit slagkraftig stafettlag frå Gloppen. Brørne Roar og
gjekk då for Fjellhug/Vereide, og representerte Hyen IL.Femteplass i stafett-NM
Men etter ti suksessrike år går Fjellhug/Vereide-Hyen Skiklubb over i historia. Det er sjeldan at ein klubb med så kort levetid kan vise til så mange gode plasseringar.
For klubben har vist igjen i norsk og internasjonalt langrenn. Med Odd-Bjørn Hjelmeset på første etappe var laget i tetstriden i NM-stafettane, og det vart fleire gode plasseringar.
Beste plasseringa var femteplass i 2008, då junioren Trygve Henden Gaasø gjekk sisteetappen etter at Odd-Bjørn Hjelmeset og Roger Aa Djupvik hadde gitt han eit godt utgangspunkt.
VM-gull og OL-bronse
Og individuelt har det blitt mange medaljar på klubben. Odd-Bjørn Hjelmeset kan vise til VM-gull på femmila i 2007 og bronse på femmila i OL i 2002. Dei fleste av dei ni NM-titlane sine tok han med Fjellhug/Vereide-Hyen Skilag bak namnet.
LES OGSÅ:
Men no er det slutt fordi det rett og slett er mangel på løparar, konstaterer leiaren i laget, Jonfinn Aske.
Formelt nedlagt til våren
– I og med at Roger har meldt overgang til Lillehammer, Odd-Bjørn sin karriere er på hell og Trygve har slite med overtrening og ikkje er i den forma han ynskjer å vere så er det ikkje grunnlag lenger. Vi er blitt samde om å avvikle klubben.
– Trur du det kan oppstå liknande konstellasjonar seinare dersom høvet byr seg?
– Akurat no ser det ikkje slik ut, men ein skal aldri seie aldri.
Formelt sett blir ikkje Fjellhug/Vereide-Hyen Skiklubb avvikla før til våren, etter at sisesongen er over.
– Då skal vi ha eit styremøte og protokollføre at klubben er historie.
LES OGSÅ: