Det seier Olav Lunden som er KS-leiar i Sogn og Fjordane.
Mange tenester
UDI har bede fylket om å ta imot 200 asylsøkjarar no til hausten. Førebels er det Gulen, Bremanger og Aurland som har vore nemnt som moglege mottaksplassar.
- I dei små kommunane har me ekstra utfordringar til å få på plass apparat rundt asylmottaka, seier Lunden.
Han fortel at mottaka treng tolketeneste, vanleg helseteneste, og tilrettelegging for morsmålsopplæring og grunnskuleopplæring.
- Smådriftsfordelar
Ordførar i Gulen kommune, Trude Brosvik, ser utfordringane, men er likevel positiv til eit eventuelt asylmottak.
- Me skal iallfall prøve å få det til dersom me har høve til det, seier ho.
Ho meiner ein òg kan snu utfordringane på hovudetet og seie at det kanskje er smådriftsfordelar ved å ha asylmottaka i kommunane.
- Det kan vera like bra i eit lite samfunn som i ein by der mange vert konsentert på ein plass, seier ho.
21. august skal Gulen kommune i møte med UDI om eit eventuelt asylmottak.