Fleire stader i fylket er det rundt - 20 grader fredag morgon.
I ettermiddag kjem ein front innover fylket som gjev nedbør i form av snø. Men i følgje vakthavande meteorolog ved vervarslinga på Vestlandet, Rasmus Myklebust, er mildveret forbigåande
– Det er berre to dagar vi skal få litt mildare ver. Då blir det kanskje opp mot null grader på kysten, men i indre strøk kan det halde seg på minus heile tida, seier Myklebust.
Søndag synk temperaturen igjen, og det held seg kaldt så langt prognosene syner, fram til 27. desember.
Temperaturar i fylket fredag morgon:
Lærdal: -14 grader
Hegg i Borgund: -19
Vassenden: -13
Skjolden: -14
Bygstad: -15
Aurland: -11
Breim: -13