Når Tyskland vil erstatte all kjernekraft innan 2022 med blant anna vind og gass opnar det for store moglegheiter.
Produksjon og utvikling av vindmølleparkar har blitt ei gigantnæring i Europa. No vil næringslivet at Norge skal kople seg endå meir på.
- LES OGSÅ:
Ser store moglegheiter
Easy Form i Måløy produserer neste generasjon vindmølledelar, og styreleiar Ken Carlson ser lyst på framtida:
– Både Tyskland og Storbritannia seier det er vind som er framtida. Dette er ei næring i sterk vekst, heilt klart, seier Carlson.
Hos Statkraft i Oslo ser konsernsjefen også store moglegheiter. Kraftgiganten vil bygge vindkraft til havs i Europa.
– Den største nye produksjonsskjelda for kraft i Nord-Europa og i Tyskland vil vere vinkraft, seier Christian Rynning-Tønnesen, konsernsjef i Statkraft.
Ministeren kjem med få løfter
Styreleiar Alfred Bjørlo i Vindkraftforum representerer 65 verksemder som vil vere med på vindeventyret. Dei ønskjer testområde og på sikt utbyggingar utanfor norskekysten.
– Dette kan bli den store nye vekstnæringa vår her på kysten. Men då treng vi eit samla løft og langsiktige ambisjonar. Ikkje minst treng vi også satsing frå myndigheitene seie side, seier Bjørlo.
Men Olje- og energiministeren kjem med få løfter:
– Vi har allereie bygd store anlegg for testing av vindkraft, også offshore. Det kjem vi til å halde fram med å leggje til rette for. Offshorevinden er framleis for dyrt for den norske marknaden, men dersom Tyskland ønskjer å betale for utbygginga er dei sjølvsagt hjarteleg velkomne til det, seier olje- og energiminister Ola Borten Moe (Sp).
NETT-TV: Vindrevolusjon i NOrge
NETT-TV: Tysk nei til atomkraft kan skapa nye arbeidsplassar. Gass- og vindkraft skal erstatte den tapte energien.