Då det vart innført bompengar på strekninga for å finansiere Bogstunnelen vart det rekna med at trafikantane måtte punge ut heilt til 2016.
- Men no ser det ut til at det heile er nedbetalt ved årsskiftet 2010-2011, seier styreleiar Ingrid Heggø i Høyanger Gulen Bompengeselskap til avisa Ytre Sogn.
Stor trafikkauke
Årsaka er at trafikken på Lavik-Oppedal har vore langt større enn det bompengeselskapet rekna med då arbeidet vart sett i gang.
- Vi rekna med ein auke på ein prosent, men den har vore langt større, på det meste mellom seks og sju prosent på eitt år, seier Heggø.
Låg rente
I tillegg til trafikkauken har det låge rentenivået og hjelpt godt til.
Bompengeselskapet blir avvikla når lånet er ferdig nedbetalt. Det er ikkje aktuelt å finansiere utbetringa av strekninga Teigen-Torvund med bompengar.