Even Hole har lært dei beste kvinnelege alpinistane i Norge å stå på slalåm. Saman med NRK lærer den tidlegare toppalpinisten deg triksa som kan gjere deg til den neste meisteren.
Hole tek oss med til Blomlia, like utanfor Førde. Bakken her er bratt og passer ypparleg til å vise teknikk.
Hole var ein av dei beste norske alpinistane på 1980-talet og seinare landslagstrenar for det norske damelandslaget i alpint. No er han alpintrenar på Voss vidaregåande skule og vekependlar til Førde.
Even har hatt mange timar i slalåmbakken der han instruerer toppalpinistar ned til den minste detalj. No vil han dele sine erfaringar.
Grunnleggjande teknikk:
Lær deg grunnleggjande teknikk i alpint
Det er ein heilt annan måte å køyre slalåm på etter at carvingskia kom for nokre år sidan, fortel Hole.
Korleis skal du stå på skia:
Det er viktig med rett stilling
Korleis ein står på skia er viktig. Her viser Even korleis ein har kroppsstillinga.
Skal sjå ut som eit trikkespor:
Dess meir ein kantar skia, dess meir svingar carvingskia. Ein skal kante skia slik at det ser ut som eit trikkespor etterpå, forklarar Hole.
Kva ski skal ein velje:
Kor lange skal skia vere?
Even meiner at ein kan velje så lange ski som ein sjølv vil, men dess kortare skia er, dess lettare er det å svinge korte svingar. Dersom ein likar meir fart, må ein velje lengre ski.
Slalåmsving med korte ski:
Dess kortare ski, dess lettare å svinge
Ved korte ski, så kan ein lett lage slalomsvingar. her viser Even deg korleis. Det er ganske mykje «slush» i bakken og is under denne dagen. Då det er ikkje lett å køyre teknisk rett for vanlege folk. Even er vant til alle slags tilhøve i bakken.
Korleis bruke stavane:
I utfor held ein stavane inntil kroppen
Stavane brukar ein der det er mest kraft. Når olbogen er nitti grader, er stavane lange nok. På biletet viser han utforstilling. Det var utfor som var Even Hole sin beste disiplin den gongen han konkurrerte.
«Ikkje bruk for store sko»
Skoa må sitje godt
Det er viktig at alpinskoa ikkje er for store. Ein må dessutan stramme bindingane passeleg, er rådet frå Even Hole. Dersom ein køyrer konkurranse, strammar ein dei hardt, og løyser dei att når ein kjem ned.
Slik svingar du i storslalåm:
Det er ulik måte å svinge på ved større fart
Ved storslalåm så tek ein lengre svingar. Even viser deg korleis her.
Slik skal du ikkje gjere det...
Even Hole viser deg med glimt i auge korleis ein ikkje køyrer.
