Talet kjem fram i den årlege undersøkinga som Kunnskapshuset Deloitte har gjort.
- Nesten 70 prosent av verksemdene har så store problem at dei har vore nøydde til å takke nei til oppdrag, seier Anders Herstad i Deloitte.
Dramatisk auke
Deloitte har intervjua 2000 bedrifsleiarar i heile landet, og rundt 100 frå Sogn og Fjordane. Over halvparten svarar at dei har problem med å få tak i kvallifisert arbeidskraft, og dette er ein auke på 15 prosentpoeng i høve til i fjor.
- Det er ein dramatisk auke i talet på bedriftsleiarar som seier dei slit med å skaffe kvalifisert arbeidskraft. Det er vel gode tider i mange bransjar samstundes som gjer at arbeidsmarknaden er vanskeleg, seier Herstad.
Avisene fulle av annonsar
- Dette ser vi og i avisene. Det har aldri vore så mange sider med tilbod om jobbar som vi ser i dag, seier regiondirektør i NHO, Karin Halle.
Ein av dei som ei stund har annonsert utan å få napp er Trond Bendiksen som er dagleg leiar i Maritime Montering AS i Bygstad
- Eg kjenner meg igjen i problemstillinga. Det er ikkje lett å få respons.
Må seie nei til oppdrag
I undersøkinga til Deloitte svarar 69 prosent av dei spurde bedrifseleiarane her i fylket at dei har vore nøydde til å takke nei til nye kundar på grunn av mannskapmangel. Bendiksen utelukkar ikkje at det er ein situasjon dei også kan kome i.
- Konsekvensen kan verte at vi må seie nei til oppdrag.