Det har tidlegare gått jordras i dette området.
- Vi ventar at kommunen finn ut om stabiliteten er tilfredsstillande i området, seier Falck Russenes.
Jord- og snøskredfare
I samband med Jølster kommune sitt forslag til ny reguleringsplan for Astruptunet uttrykkjer fylkeskommunen bekymring for jord- og snøskredfaren i området. Kommunen vil byggje eit besøkssenter ved Astruptunet, og alt i sommar kåra dei ein vinnar i arkitektkonkurransen.
Utsett område
No krev fylkskommunen at kommunen forsikrar seg om at det er forsvarleg å byggje eit senter der, med tanke på skredfaren. Seinast under uveret i fjor haust gjekk det eit stort jordskred ikkje langt frå Astuptunet. Fylkesgeologen seier dette er eit utsett område.
- Ja, på denne sida av Jølstravatnet ser vi at det ikkje er uvanleg med jordskred når vi har ekstremnedbør.
Veit om faren
Ordførar Gerd Dvergsdal i Jølster seier dei er klare over at området bør rassikrast, og at dette alt er teke med i planane.
- Vi har teke det inn i prosessen, vi har og tenkt å gå i nærare dialog med fylkesgeologen for å få utarbeidd ein mykje meir nøyaktig rapport enn den som ligg føre. Vi har og teke dette med i kalkylane våre.
Dersom området er for ustabilt og kommunen likevel skulle vedta å byggje senteret som planlagt, kan fylkeskommunen gå inn med motsegn for å stanse prosjektet.