Nye «Frøyanes» blir det mest moderne og miljøvenlege linefartøyet i verda, skriv Fjordenes Tidende.
Vil koste 175 millioner
Det blir satsa på full produksjon om bord, utnytting av råstoffet, og komfort og gode arbeidsforhold for mannskapet.
Reiar Stig Ervik seier til avisa at dei har arbeidd med prosjektet i lengre tid, men at tida no var inne for å satse på ein stor båt med mange moglegheiter. Båten vil koste 175 millioner kroner.
60 meter lang
På motoren blir det montert reinseanlegg for å redusere utslepp av NOx. Planen er å stase på full produksjon om bord.
– Vi har som mål å utnytte så mykje som mogleg av fisken, seier Ervik.
Båten blir heile 60 meter lang og 14 meter brei. Den har lastekapasitet på 600 tonn.