Laurdag kveld fekk politiet melding om at ein personbil hadde køyrt i muren ved kyrkja i Innvik. Det var to menn i 20-åra i bilen.
Politi, brannvesen, ambulanse og luftambulanse blei sende til staden. Begge mennene blei skadde i samanstøyten. Den eine blei frakta med helikopter og den andre med ambulansebil. Det er førebels uvisst kor hardt skadde dei to mennene er.
Kollisjonen har vore så kraftig at fleire steinar har flytta på seg. Politibetjent Jan Tore Sunde seier til avisa Fjordingen at årsaka til ulukka kan vere at farten har vore for høg etter forholda.