Det var i 17:50-tida laurdag at jegeren frå Sogndal blei meld sakna i området nordvest for flyplassen ved Haukåsen.
– Mannen blei funnen død i føremiddag, ikkje langt frå sist kjende posisjon. Vi kan førebels ikkje seie noko om kva som har skjedd, seier operasjonsleiar Stig Inge Hauge i politiet.
Mannen var ein del av eit jaktlag, og kameratane kontakta politiet då dei ikkje fekk kontakt med han. Mannen blei sist sett i 13-tida.
Det blei sett inn store styrker i leitinga, og den heldt på til seint laurdag kveld.
- LES OGSÅ:
Leiteaksjonen blei trappa opp igjen i sjutida søndag morgon. Over 50 mann frå Sivilforsvaret og Røde Kors var med, i tillegg til fire hundeekvipasjar frå Norske Redningshundar. Også ei alpin redningsgruppe og helikopter var med i søkjet.