Torsdag denne veka vert statsbudsjettet lagt fram, og mange følgjer spent med på kor mykje pengar som kjem til utbetring og bygging av nye vegar landet rundt.
For bedrifter i distrikta er det ekstra viktig med meir pengar i vegpotten. Saft- og syltetøyprodusenten Lerum i Sogndal brukar meir enn kvar tiande omsette kroner på transport, skriv Nationen.
Dette skjer trass i at infrastruktur vart peika ut som eit av bruksområda for oljeinntektene då handlingsregelen vart forfatta for eit tiår sidan.
Regjeringa har også i Nasjonal Transportplan sagt at dei vil styrke konkurransekrafta i næringslivet gjennom å redusere avstandskostnader.
- LES OGSÅ:
- LES OGSÅ:
– Eg vil ikkje klage over at vi ligg her vi ligg, for det er eit val vi sjølve gjer. Men det er klart at vegnettet ikkje bidreg til å lette avstandsulempa vår. Vi har høge framføringskostnader, seier Jan Audun Larsen til avisa.
Larsen har ansvar for innkjøp og logistikk hos saft- og syltetøyprodusenten og fortel at meir enn halvparten av Lerum-produkta går til den sentrale Austlandet.
– Når varene skal over høge fjell og djupe dalar seier det sjølv at det ikkje blir billeg å transportere, seier Larsen til Nationen.
Han seier vidare til avisa at rette vegar hadde vore det beste for å minke transportkostnadene.
– Vi ser føre oss at vegane går i tunnel, framfor over fjell. Spesielt om vinteren ville det vore bra for varetransporten.