Politiet fekk melding om ulukka rundt klokka 18.30. Ulukka skjedde på fylkesveg 542, mellom fem og seks kilometer frå sentrum av Eikefjord i retning Stavang.
Operasjonssentralen i Florø hadde ved 18.40-tida ikkje detaljar om kva som hadde skjedd, men det skal vere snakk om ein personbil som har køyrt av vegen.
Det var tre personar i bilen, ein vaksen og to barn. Ifølgje politiet skal det ikkje vere snakk om alvorlege personsskader. Alle tre vart sende til legesjekk i Florø.
Brannvesen kom raskt til staden, medan ambulanse og politi kom til noko seinare. Politiet kjenner ikkje årsaka til ulukka, saka blir etterforska.
SKADER: Bilen fekk til dels store materielle skader etter utforkøyringa.
Foto: Privat