Like før klokka 21.00 måtte politiet rykke ut til ein kinesisk restaurant i Olav Kyrres gate i Bergen sentrum, etter meldingar slagsmål inne på restauranten.
– Det var ganske kaotisk ei periode. Det var tydeleg ei særs amper stemning, seier Kjersti Eidsnes i Hordaland politidistrikt til NRK.
Bakgrunnen for bråket skal ha vore at fleire av gjestane nekta å betale for maten.
– Det var ein kokk i døra som stoppa dei i døra på veg ut.
– Politiet har fått kontroll på situasjonen. Éin person er tatt med til politistasjonen og må betale ei bot, seier Eidsnes.