10.100 publikumarar er det svakaste publikumstalet ved teateret, og ein markant nedgang i høve til 2009. Då såg 17.500 personar teater i Sogn og Fjordane, også det ein nedgang i høve til året før.
Måtte avlyse
Informasjonssjef Hans Jacob Reite ved Sogn og Fjordane Teater (SoFt) ser tre hovudårsaker til publikumssvikten.
– Vi fekk sjukdomsforfall på viktige deler av «Mathias Orheim», vi hadde låge tal på Kinnaspelet og vi valde å spele det vellukka teatret om mobbing - «Du ana’kje» – i klasseroma på skulane. Dette gjorde at vi ikkje fekk så mykje som vi kunne hatt i 2010, men vi skal spele «Du ana’kje» vidare utover våren i 2011.
(Artikkelen held fram under biletet.)
HÅPAR PÅ TYL: Med 600 publikumarar på dei første førestillingane i Førde, håpar SoFt at Claus Sellevoll og dei andre tylane dreg godt med folk i januar.
Foto: Pressefoto, Olav Reiakvam- LES OGSÅ:
SoFt har også store forventningar til teaterstykket «Tyl» av Halvor Folgerø og Finn Tokvam. Sceneversjonen av boka hadde urpremiere i Førde tidleg i desember og skal ut på vegen i fylket i januar. Så langt ser «Tyl» ut til å få svært gode besøkstal.
– Dette gjer at vi reknar med at 2011 samla sett vert langt betre, trur Reite.
Slik er Soft-tala for 2010:
- «Ishuset»: 1129
- «Stoppestaden»: 800
- «Matias Orheim»: 2565
- «Paa Vidderne»: 300
- «Døden»: 1816
- Kinnaspelet: 1600
- «Du ana’kje»: 1090
- «Tyl»: 600
- Andre arr.. 200
Sum: 10.100 - Kjelde: SoFt