– Dette vart ein kjempesuksess med ny deltakarrekord, seier initiativtakar og marknadsansvarleg i Fanaråken Opp, Christian Prestegård.
566 løparar fullførte. 166 av desse sprang i konkurranseklassane. Fanaråken Opp er dermed det fjerde største motbakkeløpet i landet, målt i konkurranseløparar.
Varma opp til Skåla
Sveitsiske David Scneider, som har vinnde det meste av store motbakkeløp i Europa i år, var raskaste mann til toppen med tida 58.04.
– Han tok dette løpet som eit ei førebuing til neste helgs storløp på Skåla, seier Prestegård.
Tilbake etter skade
Han er mest imponert over Anita Håkenstad Evertsen frå Øystre Slidre sin innsats. Ho vann kvinneklassen på tida 1.08.58.
– Ho kom attende og vann Fanaråken Opp for femte gong etter to år med skader. Ho stadfesta posisjonen som Norges ubestridde motbakkedronning, seier Prestegård.
(Artikkelen held fram under biletet.)
Lokale løparar i toppen
Beste kvinnelege løpar frå Sogn og Fjordane blei Merete Helgheim frå Gloppen som tok tredje bestetid med 1.13.49.
Beste mannlege løpar frå fylket var Jan Olav Tjønneland frå Viksdalen på femteplass med tida 1.05.13.
Etter eit surt regnvêr i området fredag, vart løparane møtte av betre og betre vêr under laurdagens løp. Fredag kveld samlast løparar og arrangørar til bryggedans inst i Lustrafjorden.