Dagleg leiar Rolf Inge Roth opplyser at nattskiftet som skulle ta til klokka 18 i kveld har fått melding om å halde seg heime.
Det blir ikkje ny drift før geologane har synfart området. Geologane er venta til Vik klokka 12 måndag.
- Det viktigaste er liv og helse. Så får vi halde oss til det styresmaktene bestemmer seg for, seier Roth.
- Hektisk periode
Verksemda har 90 tilsette og produserer autovern. Roth stadfestar at politiet har opplyst at geologen ikkje vil komme til Vik før måndag.
- Det er er sjølvsagt uheldig. Vi er inne i ein hektisk periode, men det er førebels for tidleg å seie kor store følgjer dette får. No kjem det litt an på kva geologen seier når han kjem i morgon tidleg, seier han.
- Det er ikkje store stansen som skal til før det får følgjer. I løpet av nattskiftet hadde det nok blitt produsert nokre tonn. Det er nok nokre leveransar i neste veke som blir forseinka, held Roth fram.
Heller ikkje dei ti tilsette ved Euroskilt får gå på jobb før geologen har vore på staden.