Fjord1 må effektivisere drifta og eit av forslaga er å leggje ned kontoret selskapet har i Molde, og i staden flytte funksjonane til kontoret i Florø.
Om det blir tilfelle er det bra for både kystbyen og Sogn og Fjordane, meiner Flora-ordføraren.
– Ein kvar arbeidsplass som blir tilført ekstra til Flora kommune og Sogn og Fjordane er viktig. Både for regionen, fylket og for byen, seier Bengt Solheim-Olsen til NRK.no.
– Men først og fremst så sender dei signal om kor dei ønskjer å satse frå, og det er eit veldig viktig signal.
Kan få fleire Fjord1-arbeidsplassar
Fjord1 jobbar med ei rekkje effektiviseringstiltak, og selskapet er budd på endringar både på sjøsida og på den administrative sida.
Administrerande direktør Leif Øverland sa i går til NRK.no at eit av forslaga er å flytte funksjonar frå kontoret i Molde til kontoret i Florø.
- LES OGSÅ:
Kor mange arbeidsplassar som eventuelt blir flytta til Florø vil han ikkje uttale seg om. Uansett kor mange det blir er Flora-ordføraren positiv til planane.
Framtida
– Dette er ein intern prosess som Fjord1 må avgjere sjølv, og for alle verksemder er det viktig å drive så effektivt som mogleg.
– Når det er sagt, så ønskjer vi sjølvsagt Fjord1 si verksemd velkommen til Florø, seier Solheim-Olsen.
Han seier det utan tvil vil bety mykje for byen om konsernet bestemmer seg for å flytte heile administrasjonen til nettopp Florø.
– Dette sender sterke signal om at det er i Florø dei ønskjer å vere, og at det er der dei i framtida vil drive verksemda si frå.
- LES OGSÅ: