– Ta det med ro køyr forsiktig. Og kan du la vere så er kanskje det beste å la bilen stå, er oppmodinga frå operasjonsleiar Oddvar Lyngset ved Sogn og Fjordane politidistrikt.
Politiet har laurdag ettermiddag fått inn melding om tre uhell.
I fjellveggen 1
Ein person er send til sjukehus etter at ein bil hamna i fjellveggen på fylkesvegen mellom Lote og Hennebygda i Eid.
- LES OGSÅ:
– Vi har også fått melding om at ein bil vart treft av isras ved Haukåtunnelen i Nordalsfjorden i Florø. Her kom ingen til skade, opplyser Lynset.
I fjellveggen 2
Og på E39 like aust for Bogstunnelen i retning Vadheim har eit køyretøy rent i fjellveggen.
– Her er det speilblank is fortel ein innringar til NRK. Vedkommande fortel om isføre heile vegen frå Lavik og innover fjorden.
Ifølgje Lyngset er dette også stoda mange andre stader i fylket: Vêret har snudd om og minusgradene gjer regnvåte vegar til reine skøyteisen.
Med unntak av ei trafikkulykke i Sogndal, der det mistanke om aktlaus køyring, har korkje Sogn og Fjordane politidistrikt eller Hordaland politidistrikt (Gulen og Solund) søndag meldingar om at det glatte føre har ført til uhell.