Teamet skal jobbe spesielt med økonomisk kriminalitet, skriv Sogn Avis i dag.
Tilset ekspertar
I teamet er det alt ein etterforskar, ein jurist og ein skatteekspert. I tillegg skal det lysast ut to stillingar for å sikre ein etterforskar til og ein person med økonomisk kunnskap.
– Tidlegare har folk site spreidd og jobba med desse sakene. Då blir det ofte slik at dei gjorde andre oppgåver også, og det var vanskeleg å sikre fokus og framdrift seier politimeister Johan Brekke til avisa.
- Ikkje godt nok
Overfor NRK Sogn og Fjordane vedgår Brekke at etterforskinga av økonomiske lovbrot ikkje har fungert godt nok i praksis.
– Dette er komplekse og vanskelege saker, og det er viktig at dei som jobbar med desse sakene sit i lag. Dette har vi teke konsekvensen av no. Teamet vil sitje i Florø, forklarar han.
Brekke seier at lensmannskontora framleis skal etterforske økonomisk kriminalitet, men at dei større sakene skal handterast av det nye teamet.