Planar om ny cruisekai

Hurtigruteskipet «Fram» markerte denne veka starten på årets cruisesesong i Sogn. I sommar er det venta 132 cruiseskip. Då blir det vanskeleg for hamnesjefen å leggje kabalen med berre éi djupvasskai i Flåm.

Vurderer «seawalk»

Hamnevesenet har derfor starta prosessen med å få realisert ei ny cruisekai i området, skriv Sogn Avis.

Ei auktuell løsing skal vere ein såkalla «seawalk», ei foldekai som blir «bretta» ut og fungerer som ein gedigen landgang frå skipa. Denne kaitypen som førebels er på utviklingsstadiet, vil truleg ha ein prislapp på rundt 25 millionar kroner og er utvikla av Høyanger-selskapet Østerbø Maskin.

(Artikkelen held fram under biletet.)

• LES OGSÅ: Søkjer patent med ny type cruisekai

– Vil gjere området attraktivt

– Om denne denne løysinga er rett for Aurland er vi ikkje heilt trygge på, seier hamnesjef John Erik Johnsen til Sogn Avis.

Han trur ei andre cruisekai vil kunne gjere Flåm og Aurland meir attraktive blant cruiseoperatørane, men vil ha alle fakta på bordet før han går vidare med prosjektet. Hamnesjefen har heller ikkje tatt stilling til kvar ei ny kai bør byggast, men eit forprosjket skal utgreie planane.

• LES OGSÅ: Vil opprette ny båtrute til Flåm

Reiselivssjefen føreslår Aurland

Reiselivssjef Noralv Distad i Aurland ønskjer hamnesjefen planane velkomne. Men skal ein kunne ta imot fleire turistar, må ein også få på plass fleire attraksjonar i området, meiner han.

Distad viser til at kapasiteten på den store turistattraksjonen i området, Flåmsbana, er så godt som sprengd.

– Vi treng nye attraksjonar, seier Distad til Sogn Avis.

Reiselivssjefen meiner Aurlandsvangen bør vere eit aktulet alternativ for ei andre cruisekai, og viser til at det då vil vere kort veg til det spektakulere utkikkspunktet på Stegatein over Aurlandsfjorden.

– Aurlandsvangen ligg berre åtte kilomterer frå Flåm. I tillegg ligg Vangen i eit attraksjonsrikt område med kort avstand til Stegastein og attraksjonane i nabokommunen Lærdal, seier Distad.