Klokka 04.15 fekk politiet melding om at ein personbil hadde køyrt inn i ein hage i Fjæreideveien på Sotra.
– Politiet er framme på staden, og ambulanse er på veg. Det er så langt ikkje meldt om personskade, sa operasjonsleiar Terje Erichsen til NRK like etter halv 6 i dag.
Mannen er mistenkt for å køyre i rusa tilstand, og er tatt med til legevakta for blodprøvar.
Store skader på bil og hage
Det skal ha oppstått store materielle skadar på bil og hage i Fjæreideveien på Sotra.
– Det er rive laus ei stor steinblokk, og bilen var i ei slik tilstand at den måtte tauast bort, seier operasjonsleiar Lars Geitle klokka 07.25.
Føraren av bilen skal ha treft steinblokka i hagen då bilen hamna utfor vegen.