Det blei målt orkan styrke ved Kråkenes fyr i Vågsøy i natt.
Øystein Nordås, som har flytta inn i fyret for å oppleve ruskevêret, måtte klare seg utan straum og mobildekning i stormen som blei varsla som ekstremvær.
- LES OGSÅ: Nå kommer ekstremværet «Berit»
SMS: Vilt og vakkert
Etter ei lang rekkje forsøk på å ringe Nordås som har barrikadert seg på Kråkenes fyr, får vi endeleg kontakt på sms.
- LES OGSÅ: Her herja orkanen i natt
På ei melding fredag morgon skriv han:
«Her er d vilt og vakkert. Skum og brenninger så langt øyet rekker. Berit tok nettopp strømmen, så nå måtte jeg ut i bilen for å lade/kommunisere med en batteritom mobil. Heldigvis ikke så mye regn, så d blir nok bilder og video, som jeg kom for. Ø»
(Artikkelen held fram under biletet)
Nordås reiste frå Lillehammer til Kråkenes fyr sør for Stad for å oppleve ekte vestlandsvêr, og fekk verkeleg valuta for reisepengane.
- LES OGSÅ: Jaktar på vestlandsstormen
Sterkaste vinden i Norskehavet
Statsmeteorolog Rasmus Myklebust fortel at målinga ved fyret i Vågsøy målte orkan i natt, som er den sterkaste vinden som er målt nord i Norskehavet no.
– I Kråkenes er vinden målt til heile 64 knop. Det stilnar litt på dagen, men utover ettermiddagen vil det nok blåse opp full til sterk storm igjen, seier meteorolog Myklebust.
Må brøle for å høyre kvarandre
Bettina Bickhardt står for drifta av Kråkenes fyr, og i dag skal ho ut til Øystein Nordås for å hjelpe til med straumproblematikken.
Ho fortel at det merkast inne i fyret når vêret herjar utanfor.
– Når bølgjene slår mot grunnen fyret står på, og vinden herjar utanfor vindauga, då må ein verkeleg brøle for å høyre kva ein seier, fortel Bickhardt.
Bickhart har vore heime i Selje i natt, og fekk ei melding av Øystein i dag tidleg om at straumen gjekk. Ho gler seg til turen, men er førebudd på utfordringar.
- LES OGSÅ: Måtte stenge brua under stormen
– Det er utruleg spennande når vêret herjar vilt der ute. Vi er vant med heftig vind ut ved fyret, men eg kvier meg til å flytte bagasjen frå bilen og inn, fortel Bickhardt, som håper Måløybrua er open i dag slik ho kjem seg ut.
Må vere forsiktige
– Ein må vere forsiktige når ein begevar seg utandørs under slikt vêr. Eg må passe på at jenta mi på åtte år ikkje flyg av stad når vi går frå bilen, ler Bettina Bickhardt.
– Eg kjenner meg trygg der ute, trass alt. Når eg først er komen innanfor dørene, då kan eg kose meg, det blir utruleg spennande, seier ho.