Ein månad før urpremiera er det berre att 355 ledige sete fordelt på ti førestillingar. Billettsalet starta i mai. Framsyninga startar 5. oktober.
- LES OGSÅ:
- Vi er veldig nøgde. Vi la ut i underkant av 5 000 billettar. Det er fantastisk at vi over ein månad før premiera er nesten utselde, seier operasjef Kari Standal Pavelich ved Opera Nordfjord.
Innertiar frå Kalvø
Norge vann den legendariske kampen 2-1. Sterkt medverkande var vår eigen Tore Andre Flo. Stryningen sytte for både scoring og det avgjerande straffesparket som sende Norge vidare til sluttspelet.
- Vi likar å tru at folk kjem uansett kva vi set opp, men eg trur det heilt sikkert har noko å gjere med Are Kalvø sitt val av tema å gjere. Eg trur Norge - Brasil står i mange sitt minne som ei stor idrettshending. Her trur eg han scora ein innertiar, seier Pavelich om den gode oppslutninga.
(Artikkelen held fram under TV-innslaget)
SJÅ: Arne Scheie medverkar i operaen.
Fleire førestillingar
Opera Nordfjord har i år sett opp to fleire førestillingar enn tidlegare år.
- Det har tydelegvis vore eit rett val, seier ho og fortel aktørane no gler seg til å byrje med regiprøvane neste fredag. Dei pågår i Oslo ei vekes tid før heile ensemblet kjem til Nordfjord for å førebu seg til førestillingane.
Skal få sveitte
Medan Kalvø står for manuset, har Helge Førde fått i oppgåve å lage musikken.
- Det eg veit er at det blir mykje rørsle og koreografi - at alle medverkande skal få sveitte og jobbe. Eg trur alle saman kjem til å gå ned i vekt gjennom desse fire vekene med førebuing og framsyningane, seier Pavelich.