Politiet fekk melding om ulukka like over klokka halv seks i ettermiddag. Den skjedde på Grov i Flora kommune. Ambulanse, brannvesen og politi kom til staden.
Føraren av motorsykkelen blei sendt til Førde Sentralsjukehus i luftambulanse. Mannen i 40-åra var ved bevisstheit og politiet melder tysdag kveld at det er snakk om lettare skader.
Personane i bilen kom frå det utan fysiske skader.
Motorsyklisten og bilen var på veg i same retning då ulukka skjedde. Politiet seier det ser ut til at motorsykkelen blei påkøyrd bakfrå då han skulle svinge ut frå riksvegen og inn på ei busslomme.