– Det har vore veldig mykje press fram mot NM, og eg byrja å kjenne på nervane ganske tidleg. Vi var fem som kunne kjempe om gullet. Så no er eg letta, seier Trude Raad.
Ho er naturleg nok i strålande humør etter å ha forsvart NM-gullet frå i fjor. Lengstekastet på 61,46 meter var omlag halvmeteren betre enn gullgrossisten Mona Solberg.
Og: Det var aller første gong Raad slo erkerivalen frå Tjalve i ein konkurranse. Gullet smakte med andre ord godt i dobbel forstand.
- LES OGSÅ:
Har mista teljinga på NM-medaljane...
No har Trude Raad teke NM-medalje i slegge kvart einaste år sidan 2006. Første gullet kom for ganske nøyaktig eitt år sidan.
Så er spørsmålet kor mange medaljar ho eigentleg har i NM...
– Kor mange medaljar eg har? Det veit eg ikkje. Men spør Jørund, eg har mista oversikten, ler 24-åringen.
Og det gjer vi sjølvsagt. Spør Jørund Årdal, altså - kastttrenar gjennom mange år i Gloppen Friidrettslag:
– Ho har 17 NM-medaljar for senior. Det er to gull, ein bråte med sølv og litt bronse, seier han.
- LES OGSÅ:
(Artikkelen held fram under biletet)
GODE RÅD: Det er heilt greitt å ha pappa på sidelinja under NM. Her er Marte Rygg Årdal i samtale med Jørun Årdal, medan Trude Raad for innspel frå Odd Raad.
Foto: Rune Fossum / NRKSatsar vidare - med mål om VM og OL
Sjølv er Trude Raad oppteken av at sesongen enda på ein positiv måte. For resultata har talt sitt tydelege språk: Den etterlengta framgang har uteblitt.
– Det gjer godt å avslutte ein slik kavesesong med eit NM-gull, seier ho.
– Kva tenkjer du om neste år?
– No har eg stampa altfor lenge på dei samme lengdene, og det tærer på motivasjonen. Men eg vil ikkje gi opp. Vi må finne ut kvifor eg ikkje kastar lenger.
– Så siktar eg sjølvsagt mot store meisterskap som VM og OL, og eg har lyst til å kaste langt over 70 meter. Allereie neste år er det VM, men slik det har gått i år - så veit eg ikkje kva som skjer, seier Raad.
- LES OGSÅ:
Også bronsen gjekk til Gloppen
Det har gått seks år sidan 24-åringen frå Breim første gong kasta slegga over 60 meter. Den personlege rekorden er på 64.23 meter, sett på Bislett i 2012.
Men ho skulle så gjerne ha sett at utviklinga heldt fram.
– Det er ikkje så kjekt når framgangen uteblir. Eg er fysisk sterk og i god form. Problemet er å ta det med seg i kastinga, seier Raad.
Marte Rygg Årdal gjorde sleggeøvingane i NM til ei skikkeleg Gloppen-øving. Mona Solberg tok sølvet, med Rygg Årdal på bronse.
GLADE: Trude Raad (t.v.) og Marte Rygg Årdal med kvar sin medalje i slegge.
Foto: Rune Fossum / NRK