«Dødsdopet» blir meir og meir vanleg

Så langt i år har politiet beslaglagt 120 gram amfetamin og metamfetamin i fylket.

Forskar Odd Hordvin ved Statens institutt for rusmiddelforsking, seier det truleg er snakk om store mørketal.

• LES OGSÅ: Slik kjem narkotikaen til Norge

– Det er det alltid. Vi må tru at mørketala er større enn det undersøkingane viser. Det trur eg sikkert at eg kan seie.

Har kome gradvis

Metamfetamin er kjemisk relatert til amfetamin, men effekten er ifølgje Norsk Helseinformatikk meir potent, varer lengre og er meir skadeleg for sentralnervesystemet. Som amfetamin kan stoffet kan inntakast som tablettar, pulver eller oppløysast i væske. Det kan settast med sprøyte, drikkast, røykjast eller sniffast.

• LES OGSÅ: Forgifta av metamfetamin på ferja
• LES OGSÅ: Åtvarar mot farleg amfetaminkopi

Og det er ikkje berre i fest- og dopmiljø at metamfetamin er i omløp. Nokre brukarar tek det som slankemiddel eller for å halde ut lengre på jobben.

• NRK-serien: Å leve med rus

– Dette med metamfetamin har gradvis kome på 2000-talet. I 2000 utgjorde metamfetamin berre litt over seks prosent av samla beslag av amfetamin. I 2010 var det over 60 prosent. Det seier noko om utviklinga, seier Hordvin.

Klarer ikkje skilje

På landsbasis utgjer metamfetamin kring halvparten av alle amfetaminbeslag. Rusforskaren er ikkje overraska over at stadig meir av den amfetaminen som vert beslaglagt her i fylket er av den sterkare og farlegare sorten.

Brukarane sjølv klarer i liten grad å skilje kva som er det eine eller andre stoffet, som i stor grad kjem til Noreg frå Litauen og Nederland.

• LES OGSÅ: Litauarar dominerer amfetaminsalet
• HØYR: Stoffbruk fører unge i psykosar

– Brukarane har i liten grad moglegheit til å skilje mellom stoffa. Det vi i stor grad baserer oss på er dei beslag som politiet og tollstyresmaktene. Det viser at bruken er geografisk godt fordelt, seier Hordvin.

«Dødsdopet»

Skadeverknadene av både amfetamin og metamfetamin er store, og i brukarmiljøet vert metamfetamin ofte kalla "dødsdopet".

Faren er mellom anna stor for hjerteinfarkt og hjerneslag, sjølv ved små dosar. NRK veit at det i enkelte brukarmiljø her i fylket har vore frykt for dødsfall fordi stoffet dei får inn tidvis har vore svært sterkt.

• LES OGSÅ: Vil ikkje ha sprøyterom i Bergen

Hordvin deler inntrykket av at stadig fleire av rusmisbrukarane vel amfetamin og metamfetamin fordi den er billeg og lett tilgjengeleg – også i Sogn og Fjordane.

– Det har med tilgjenge å gjere i første omgang. Så har det noko å gjere med prisnivå å gjere. Desse stoffa er blitt billegare å skaffe seg dei siste åra, seier han.