Tidlegare i haust fekk Båtbygg ei stor kontrakt då dei fekk jobben med å byggje om skipet Geowave Champion. Båten er norskeid, men chartra av franske seismikkselskapet CGG Veritas. Den er 106 meter langt og veg over 1800 tonn.
- LES OGSÅ:
Bur på flotellet ut januar
Direktør Kjell Inge Sjåstad ved Båtbygg seier dei tilsette på båten bur på flotellet medan dei store ombygginga føregår.
BLIR OMBYGD: Geowave Champion skal få nye motorar og propellar.
Foto: Bjarne Eldevik– Dei 40 personane kjem frå heile verda, og dei bur på flotellet medan vi gjer dei omfattande ombyggingane. Her skal dei bu til slutten av januar då dei flyttar tilbake til båten. Den skal vi vere ferdig med i slutten av mars neste år, seier han.
Kan ikkje reise heim
Grunnen til at mannskapet ikkje reiser heim, er for at dei skal ha oppfølging av ombygginga og i tillegg drive vedlikehald av skipet.
– Difor er flotellet overnatting for mannskapet i den perioden det ikkje går an å bu på båten.
Den omfattande ombygginga går mellom anna ut på å skifte hovudmotor og propellanlegg, I tillegg er det ein stor jobb med å skifte tavler og straumforsyning.
Nøgde arbeidarar
NÆRT: Ombygginga skje her ved Båtbygg og flotellet ligg like ved.
Foto: Bjarne EldevikDet er første gong Båtbygg brukar ein flotell til å huse mannskap. Sjåstad seier dei er nøgde med å bu så nær.
– Ja, det er praktisk, for dei ligg så nært dei kan. Dei jobbar på båten om dagen og et alle måltida på flotellet.