Broddar er eit godt alternativ, men ikkje alle føler for å gå med det. Dei fleste veit at broddar finst, men det er rett og slett ikkje kult nok.
– Det er litt ukult for det er slikt dei gamle går med. Broddar er ikkje noko for oss unge, seier Cecilie Skarstein.
- LES OGSÅ:
Redde for å ramle
Tripping på glatta har blitt daglegdags dei siste vekene, og for mange har det gått gale. Mildrid Asperheim (82) ramla på isen og låg i over halvannan time før ho fekk hjelp. Snarturen til postkassa enda med lårshalsbrot.
Folk på gata i Førde er livredde for å tryne på den speglblanke isen, men brukar likevel ikkje broddar:
Butikksjef også utan broddar
Det er ikkje så veldig lurt med sommarsko på glattisen. Alternativet er både enkelt og billeg, men sjølv butikksjef Arne Runde ved Førde Sport, som har gått på trynet i vinter, brukar ikkje broddar.
– Dei er enkle å ta på. Men eg brukar det ikkje sjølv, kanskje fordi eg ikkje går så mykje på glatta, seier Runde.