Må utsette og flytte saker når tingretten flyttar ut
Saker som skal behandlast av Hordaland tingrett kan framover måtte haldast heilt andre plassar enn i Bergen, til dømes i Norheimsund. Tinghuset i Bergen skal pussast opp, og 6. mai flyttar Hordaland tingrett til mindre lokale i C Sunds gate. Det går ut over kapasiteten.
– Vi greier ikkje gjennomføre same antal rettssaker som før. Folk kan risikere å få utsett sakene sine, seier sorenskrivar Håkon Rastum i Hordaland tingrett.
Dei neste vekene kan saker haldast både i tinghuset, i C Sunds gate 42, Gulating lagmannsrett eller på andre lokasjonar, som rettslokala i Norheimsund.