I Fjordane tingrett la mannen alle kort på bordet og fekk såkalla tilståingsdom. Men sidan han blei dømd for lignande tilhøve også i april, må mannen no førebu seg på ein månad bak lås og slå.
Det 25-åringen no er dømd for føyer seg inn blant fleire dommar mannen har fått. Mellom anna kjøpte han ved fleire høve hasj to stader i fylket, samt fleire piller av typen Subutex. Han er også dømd for å ha hjulpe ein annan mann med å få kjøpt 10 gram hasj.
– Han er tidlegare straffa fleire gonger for blant anna brot på narkotikalovgjevinga, påpeikar Fjordane tingrett i domen.
I tillegg til fengselsstraffa må nordfjordingen betale 500 kroner i bot. Dersom han ikkje betalar dette må han sone 15 dagar ekstra i fengsel.
25-åringen har også køyrd bil utan førarkort, og er også frådømd retten til å køyre bil for alltid.