For sjølv om lokalavisene held betre stand enn riks- og regionpressa, merkar også dei at stadig færre les papiraviser.
– Men det er klart at utviklinga i det digitale er ein tankevekkjar og ein må sjå på løysingar for framtida også som lokalavis, seier dagleg leiar Magne Nesheim i Fjordabladet på Nordfjordeid.
Schibsted slit
Overskotet vart skarve 13.000 kroner i fjor. Likevel skildrar Nesheim økonomien som relativt stabil. Det er langt meir enn ein kan seie om Schibsted-konsernet som denne veka varsla drastiske sparetiltak i fleire av landets største aviser.
Fleire av landets største regionaviser må til saman kutte 400 millionar kroner dei neste to åra.
- LES OGSÅ: Lokalkontoret i Førde kan ryke
–Vi har sagt til dei tilsette at vi små snu alle steinar. Vi må også sjå på distriktskontora, dei er ikkje skjerma i denne prosessen, fortalde redaktør i Bergens Tidende, Trine Eilertsen.
(Artikkelen held fram under tabellen henta frå purehelp.no)
Felles i heile landet
Lokalavisene har så langt merka mindre til konkurransen frå nettet, men også i fjor opplevde fleire aviser i fylket nedgang i årsresultata.
Firda Media A/S hadde resultatnedgang før skatt frå 11,9 til 7,2 millionar kroner. Mykje skuldast kostnader knytt til kutt og omstillingar i 2011, og at 2012 ser bra ut.
Likevel stadfestar dagleg leiar, Rolf Årdal, at fallande inntekter har vore trenden dei siste åra.
– Dette er felles i heile mediebransjen i heile Norge, seier han.
Treng eit godt år
Også i Sogn Avis måtta dagleg leiar Ivar N. Henjum sjå at svikt i det regionale salet gjorde at opplagstalet gjekk under den magiske grensa på 10000 i fjor.
– Det er vi sjølvsagt ikkje nøgde med, seier han og trur 2012 blir eit betre år økonomisk. Det vil vere viktig for ei avis som alt under finanskrisa i 2009 gjennomførte kraftige kostnadskutt.
– Så det er ikkje mykje meir vi kan gjere på kostnadssida i Sogn Avis.