Det viser skattelistene som var offentlege i natt. Helge Solheim har ifølgje listene ei formue på 30 millionar kroner, nær ni millionar kroner meir enn nestemann på lista, Jarle Svein Honningsvåg i Honningsvåg Maskin og Global Trading.
Solheim eig saman med Reidun Karen Vetrhus kvar sin halvdel i selskapet Fiskevegn. Dette selskapet eig igjen fullt ut Flatraket Industribygg, Storvika AS og Best Fishing Gir AS. Dei har også eigarpostar i Båt og Motor AS og Kraftstasjonen Restaurant.
Vi gjer merksame på at listene er basert på førebelse skattetal frå Skattedirektoratet. Tala kan innehalde feil som vil bli retta når klagehandsaminga er ferdig.