Striden om eit flaggbyte i Sogn og Fjordane har blussa opp att.
Knut gav bensin til bålet
Under årets første sending av det populære humorprogrammet Nytt på Nytt, hadde paneldeltakar, Knut Nærum, på seg t-skjorta til aksjonen som vil heise til topps att eit over 150 år gamalt båtflagg.
– Dette er nostalgisk og eg støttar alt som er gammalt og rart, og omstendeleg,
LES OGSÅ:
Tredobla skjortesal
Og Nytt på Nytt-stuntet var ein klar suksess.
Etter at bileta av Nærum med flagget på brystet rulla over 1,3 millionar norske fjernsynsskjermar, har t-skjortesalet til aksjonsgruppa fått sterk medvind.
Med 1100 solgte eller tinga t-skjorter, er førespurnaden tredobla. har no meir enn 2000 medlemmar.
Ramaskrik for flagget
Det tradisjonsrike kompaniflagget blei firt ned i fjor for å markera samanslåinga med Møre og Romsdal sine fylkesbåtar. Flagget var eit av dei eldste av sitt slag her til lands.
Reiarlaget Fjord1 sitt vedtak om at flaget skulle takast vekk, har ført til ramaskrik i Sogn og Fjordane.
Sprang i protest
I tillegg har underskriftskampanjar og munnhoggeri i lokalaviser skapt blest kring fjerninga av det symbolsterke flaget. Den andre leiaren i aksjonen mot flaggbytte Han er pensjonist og tidlegare tilsett i fylkeskommunen.
– Det er det viktigaste merket i fylket. Det er eit merke på fellesskap og bind saman fylket – det har det gjort i 150 år, seier Kleppa.
Ap tar opp att kampen
Sjølv om reiarlaget Fjord1 har sagt dei ikkje kjem til å ta opp att saka, vil aksjonen halde fram. Heller ikkje Arbeidarpartiet i Balestrand vil heise kvitt flag og overgje seg enno, Lokallaget har no sendt inn resolusjon til Fylkespartiet i håp om å få revurdert vedtaket.
– Me trur ikkje at kampen er tapt. Avgjersla om å fira ned gamleflagget har rørt ved kjenslene til mang ein sogning. Difor vil me ta opp att debatten, seier leiar i Balestrand Ap, Tage Sandvold.
– Det ligg mykje nostalgi i dette. Fylkesbaatane har i over 150år vore ein viktig del av kvardagen til folk i fylket. Utan båtane kom ein jo seg ingenstads, legg Sandvold til.
Sjå innslag på Nett-TV:
Nytt flagg uønska