Anlegget i Ålesund blir etter alt å døme lagt ned, noko som gjer at Førde må ta imot mykje meir slakt.
- Vi har mykje ledig kapasitet, seier Eivind Fonn, driftsleiar ved anlegget i Førde.
Underskot
Nortura slit med store underskot og har som målsetjing å auke lønsemda med 2,5 milliardar kroner innan utgangen av 2012. For å få dette til må fleire anlegg leggjast ned og talet på tilsette reduserast kraftig.
I ei fersk pressemeldig frå Nortura går det fram at Ålesund er eitt av tre anlegg som truleg blir lagt ned. Leiar for dei Nortura-tillitsvalde, Paul Sindre Vedeld, på Vestlandet trur anlegget i Førde blir det nye hovudanlegget på vestlandet.
- Eg vil tru det blir nedlagt, seier Vedeld.
Stor kapasitet
Det blir årleg slakta 38.000 storfe og gris i Førde, men anlegget har kapasitet til å ta imot ytterlegare om lag 20.000 dyr. Vedeld seier at Førde-anlegget kanskje må utvidast.
- Det kan verte auka aktivitet, men om det blir utviding er det for tidlig å seie noko om.