På fylkestinget om to veker vil prisen på 25 000 kroner bli tildelt Sørsida av Lustrafjorden, som er det formelle namnet på prisvinnaren.
Nye arbeidsplassar
Juryen grunngjev tildelinga på denne måten.
"Årets vinnar har i løpet av dei siste åra fått gjennomført ei rekkje positive tiltak som har skapt trivsel, bulyst og nye arbeidsplassar. Her har dei utvikla heile området gjennom systematisk og godt samarbeid. Dei har fått nytt næringsbygg med plass til gamle og nye bedrifter, og såleis har dei skapt fleire nye arbeidsplassar. Grendalaga har også organisert fleire nye aktivitetar i bygda, som til dømes riding for born og unge, kajakkpadling, hjortesafari og torgsal".