NRK fekk dei første meldingane om semitraileren ved 21.30-tida onsdag kveld, men verken politi eller Vegtrafikksentralen hadde fått melding om utforkøyringa på dette tidspunktet.
Då NRK snakka med politiet seinare onsdag kveld opplyste dei at det etter det dei kjente til ikkje skulle vere snakk om personskadar.
Semitraileren vart liggjande i grøfta i nærleiken av Årdal ved Jølstravatnet, og det det var heile tida passering i eitt køyrefelt forbi staden.
Etter det NRK har fått forklart skal bilen ha kome utfor asfaltkanten, før hengaren på bilen har velta over på sida. Den vart liggande med alle hjula på venstre side oppe frå asfalten.
Bilberging vart send til staden onsdag kveld, men torsdag morgon stod semitraileren framleis i grøfta. Det blir jobba med å få bilen på vegen att, men arbeidet er krevjande.
Tidleg torsdag morgon var E39 forbi staden stengd i periodar på inntil 30 minutt grunna bilberging. Dette heldt fram til klokka 09. Då sa Vegtrafikksentralen at vegen ville vere stengd i eitt køyrefelt på grunn av bilberging.
Førde Bilberging brukte til saman 11 timar for å få bilen på vegen att. Dagleg leiar Arild Tistel seier til NRK.no at stadig aukande trafikk kombinert med mange strekningar med dårleg standard har ført til ein auke i slike bergingsoppdrag.
- LES OGSÅ:
Tidlegare onsdag kveld køyrde eit større køyrety opp i taket på Oppljostunnelen på Strynefjellet. Dette førte til at vegen her