Eldrebølgja vil råke småkommunane først, viser utrekningar frå Statistisk sentralbyrå. NHO meiner dette er eit argument for kommunesamanslåing.
På landsbasis vil 93 kommunar vere i ein slik situasjon i 2030. Samtlege kommunar vil ha under 6 000 innbyggjarar.
- Fleire innbyggjarar betyr betre skattegrunnlag og høgare inntekter. Det betyr at det er fleire til å finansiere dei velferdsordningar som kommunane må etablere, seier direktør for arbeidsliv i NHO, Svein Oppegaard.
Kjøper ikkje argument
ELDREBØLGJE: Ordførar Gunn Helgesen og Selje er mellom dei som får merke eldrebølgja først.
Foto: Kristeleg FolkepartiSpørsmålet er om kommunane kan takle ein situasjon med meir enn ein pensjonist for annankvar yrkesaktiv.
Selje er mellom dei åtte kommunane i fylket som blir først råka. For dei betyr det færre skatteinntekter og meir utgifter til eldreomsorg når eldrebølgja byrjar.
Ordførar Gunn Helgesen (KrF) er kjøper ikkje argumentet til Oppegaard.
- Eg kan berre ikkje skjøne at det å ta vekk ei grenser gir oss betre økonomi. Her er snakk om å gje dei eldre ei teneste og på lågast mogleg nivå og nærast mogleg. Så får vi sjå etterkvart kva råmer vi får og kva val vi må gjere, seier ho.