- Det er veldig mange verteikn som ikkje har rot i røynda i det heile. Men det eg tykkjer er fascinerande med verteikn, er at dei er ein viktig del av kulturarva, slik som eventyra, seier Eli Kari Gjengedal.
- Ikkje berre tull og tøys
Den nye boka hennar inneheld 450 varsel og teikn frå heile landet. Sjølv om mange vêrteikn berre er tull og tøys, gjeld ikkje det alle, påpeikar vêrpresentøren frå Sogn.
- Me har nokre som kan forklarast vitenskapeleg. Dei er tufta på meteorologi, og slår veldig sjeldan feil. Dette er optiske fenomen, lys som me ser på himmelen.
Eitt av dei meir vitskapelege verteikna er: "I dag du om sola ser ein stor ring, i morgon du ser sola ingenting".
- Når det kjem ein front innover, vil den alltid starta med høge skyer. Dei inneheld iskrysltallar som reflekterer sollyset, og det opplever me her nede som ein ring rundt sola. Og då kjem det nedbør.
- Eg og ein gjeng menn på 80
Den kjende meteorlogen fortel at vêrteikn er noko fyrst og fremst den eldre garde interesserer seg for.
- Då eg starta å gjera researchen til boka såg eg jo at det var eg og ein gjeng med menn på 80 år som tykte dette var veldig spennande. Men etter kvart såg eg at dei fleste jo har høyrd om eit eller anna vêrteikn, så då ville eg popularisere det litt.