Det stygge fjellpartiet mellom Skei og Ålhus har lenge vore kjend som eit av dei mest rasfarlege punkta langs E39. Men no har høgthengjande arbeidarar avslutta for hausten, og har teke ned om lag 200 kubikkmeter med stein.
– Vi er særs nøgd. Det har vore reinska ein heil del oppi der og på dei verste stadane har dei fått reinska ned ganske mykje.Vi har også gått vidare bortover mot både Vassenden og Skei og fått eit overblikk over kva som heng der oppe, fortel byggjeleiar i Statens vegvesen, Skule Jacobsen, til NRK.no.
- LES OGSÅ:
- LES OGSÅ:
Fått ned mykje stein
Han ventar no på rapport frå arbeidsfolka som kva dei har funne av område som må reinskast seinare, og utifrå det vil Statens vegvesen planlegge vidare reinsking av fjellområda kring Skjærsura. Han vonar det vil kome midlar til å halde fram arbeidet i 2014.
– Vi har i denne omgangen fått ned eit par hundre kubikk. Det meste har lagt seg i ura og det er veldig godt å vite at den er komen ned, og dei steinane er vi ferdige med ein gong for alle. Det er blitt adskillig tryggare, men heilt trygg blir vi aldri her på Vestlandet, sler Jacobsen fast.
Skjærsura har vore ein tøff og annleis arbeidsplass dei siste vekene.
– Fantastisk innsats
Han er imponert over den innsatsen som har arbeidarane har lagt ned, ikkje minst dei som i tre intense veker har spetta laust stein på stein høgt oppe i fjellsida.
– Innsatsen deira har vore heilt fantastisk. Dei har gått opp der klokka sju om morgonen og kome ned att i sju-åtte tida på kvelden, like blide. Den tunge jobben dei har gjort, både fysisk og psykisk, står det verkeleg respekt av, seier Jacobsen.
Trafikken har vore stengd i lange periodar på dagtid i samband med arbeidet, men Jacobsen er godt nøgd med korleis bilistane langs europavegen har takla dette.
– Folk har vore tolmodige og har forstått at det er eit viktig arbeid som har vorte utført, meiner byggjeleiaren.