- Det har vore nesten som ein epidemi i vinter av folk som har gjort seg ska, fortel kiropraktor Andre Didriksen i Førde.
Gjer du det rett? Sjå video lenger nede i saka.
- Unngå skippertak
For det har blitt mykje av den i vinter. Snø som dukkar opp utanfor huset eller hytta di, helst før du har fått den vekk sidan siste snøfall. Og ofte er den både våt og tung.
- Mange som får ilt etter snømoking har gjerne tatt eit skippertak. Ikkje gjer det. Gjer det heller oftare, ber Didriksen.
I løpet av vintermånadane har han og andre som behandlar vonde kroppar hatt ein jamn straum av pasientar. Alle med ein ting til felles – skader etter snømoking.
Mange gjer det feil
Og ute på gata vedgår folk at dei ikkje alltid tenkjer over korleis dei gjer det – og om det faktisk er rett.
- Eg merkar det fort dagen etterpå når eg har måka snø, seier ei dame til NRK.
Fleire andre fortel at det ofte går utover ryggen.
- I fjor vinter merka eg at det gjekk hardt utover ryggen, seier fortel ein mann.
(Artikkelen held fram under videoen)
- Gjer det rett då folkens
Men det finst sjølvsagt ein måte å unngå desse vondtane på.
- Gjer det rett, rett og slett, seier Didriksen.
Og dersom du no ser det an til at du må ut å måke i løpet av kvelden eller kanskje i morgon, så kan det vere lurt å ta seg tid til å setje seg inn i Didriksen sine måketips.
HER ER DIDRIKSEN SINE TIPS
- Husk å ha bøy i knea.
- Press rumpa bakover, slik at du held svaien i korsryggen, pass godt på ryggen.
- Beveg på beina slik at du ikkje vrir ryggen
- Kast litt til kvar side. Ikkje berre til venstre eller berre til høgre.
- Ikkje løft for mykje av gangen, ta heller litt og litt.
Nokon bør halde seg unna...
Og for nokre kan det rett og slett løne seg å la nokon andre ta seg av snømokinga, eller eventuelt investere i ein snøfres.
- Dersom du har ryggproblem og er byrja kome litt opp i alderen bør du vere forsiktig. Ein bør heller ikkje vere for ung når ein skal gjere dette, seier Didriksen.