Ekstremvêret «Amy» har ført til ei rekke skader på straumnettet og mange står framleis utan straum.

Gjennom heile helga har mannskap jobba på spreng for å rette opp i alle feila.

Klokka 08.00 søndag morgon er 1597 av BKK sine kundar utan straum. Utover dagen og kvelden skal etter planen alle ha straumen tilbake, melder BKK.

På Tysnes har dei venta lengst. Her blei det mørkt i alle krikar og krokar fredag kveld, og først klokka 14. 00 i dag er straumen venta å vere tilbake.

Også Linja sine kundar er råka. 696 kundar er straumlause per no.

Sygnir i Sogn har 80 kundar utan straum.