Saman med Per A. Nødseth grunnla Oddgeir Igland investerings- og industriselskapet INC for 30 år sidan. Selskapet eig mellom anna skipsverft i Brandsøy og i Eikefjord.
Sidan har det berre balla på seg, og 63-åringen har i dag 32 ulike roller i næringslivet. Ifølgje proff.no er Igland mellom anna styreleiar i 13 verksemder, samt dagleg leiar i fem verksemder.
I fjor noterte Bremanger-mannen seg for ei formue på 143 millionar kroner. Det plasserer han godt framfor far og son Inge Helge Vassbotten og Alex Vassbotten i Steinvik Fiskefarm.
Vi gjer merksame på at listene er basert på førebelse skattetal frå Skattedirektoratet. Tala kan innehalde feil som vil bli retta når klagehandsaminga er ferdig.