Førdehuset, som vanlegvis er heimebana til Førde, var stengd grunna eit stort messearrangement. Dermed gjekk turen til Naustdalshallen.
– Det er klart at ideelt sett så ønskjer vi å spele på heimebane i Førdehuset, men eg følte at vi takla dette bra. Vi gav aldri opp mot Koll, og gjennomførte ein svært god kamp, meiner trenar Kalstad.
Han beit seg ikkje minst merke i Førde VBK sin nye diagonalspelar, Kjell Morten Kvamsdal, som imponerte stort mot Koll.
– Vi er verkeleg på rett veg no, og i dag såg vi verkeleg kva som bur i dette laget, seier Kalstad.
I morgon ettermiddag vert det spelt to nye eliteseriekampar i volleyball i Naustdal, først damelaget til Førde mot Oslo Volley, og to timar seinare Førde-herrane mot same motstandar.
Resultat:
Førde - Koll 3 - 0 (25-18, 25-19, 25-15)