Han trur at den vanlege forbrukaren får merke streiken etter omlag ei veke.
– Då blir det mindre varer i butikkhyllene og då vil folk merke streiken.
Transportørane i eksportindustrien har vore i streik sidan laurdag, men først i dag får streiken full verknad.
Enno ikkje uroa
I forhandlingane om ny ei tariffavtale for Schenker og dei andre spedisjonsbedriftene vart partane ikkje einige i helga. Men trass i spådommane om at fiskenæringa blir hardast ramma i fylket, er det ingen av fiskebedriftene Domstein, Coast Seafood, Skaar Norway AS og Norwell AS som er urao for streiken enda.
– For Coast Seafood sin del har vi ikkje hatt noko avvik på den fisken som gjekk ut i helga. Streiken starta laurdag og vi har ikkje merka noko til den, seier administrerande direktør i Coast Seafood, Sverre Søraa.
Køyrer direkte til kundane
Men enkelte tiltak har bedrifta allereie sette i verk. Dei køyrer varene direkte til kunden.
– Vi må setje saman trailerane ute på pakkeria og ferdigstille dei der og så køyre fisken direkte til kundane i Europa. På den måten vil ikkje vi vil bli ramma av streiken.